काठमाडौं । नेपाली कांग्रेसको १५औँ महाधिवेशनअन्तर्गत काठमाडौं निर्वाचन क्षेत्र नं. १० को प्रतिनिधिसभा क्षेत्रीय अधिवेशन आज हुँदैछ ।

क्षेत्रीय सभापति पदका लागि दिपेश विष्ट र हिमाल कार्कीबीच प्रतिस्पर्धा हुने भएको छ । अधिवेशनले क्षेत्रीय नेतृत्व चयन गर्नुका साथै आगामी महाधिवेशनका लागि प्रतिनिधि छनोटसमेत गर्नेछ । क्षेत्रीय नेतृत्वका लागि दुई उम्मेदवारबीच प्रतिस्पर्धा हुने भएपछि अधिवेशनलाई कांग्रेसको काठमाडौं–१० को संगठनात्मक दृष्टिले महत्वपूर्ण रूपमा हेरिएको छ । अधिवेशनमा क्षेत्रीय प्रतिनिधिहरूको सहभागिता रहनेछ ।

सभापतिका उम्मेदवार विष्ट विद्युतीय सुशासन आयोगका पूर्वप्रमुख कार्यकारी अधिकृत हुन् भने कार्की कांग्रेसको काठमाडौं निर्वाचन क्षेत्र नं. १० नेता हुन् । उनी २०८२ सालको प्रतिनिधिसभा निर्वाचनमा काठमाडौं–१० बाट कांग्रेसका उम्मेदवार बनेका थिए ।

सभापति पदका दुवै उम्मेदवारले आफूलाई समर्थन गर्न क्षेत्रीय प्रतिनिधिहरूसँग भेटघाट तथा छलफललाई तीव्रता दिएका छन् । अधिवेशनबाट नयाँ नेतृत्व चयनसँगै काठमाडौं–१० मा कांग्रेसको आगामी संगठनात्मक गतिविधिले समेत नयाँ दिशा लिने अपेक्षा गरिएको छ ।

अधिवेशनबाट काठमाडौं–१० को प्रतिनिधिसभा क्षेत्रीय कार्यसमिति र महाधिवेशन प्रतिनिधि चयन हुनेछन् । नेपाली कांग्रेसको १५औँ महाधिवेशन यही असोज १६ देखि १९ गतेसम्म काठमाडौंमा हुँदैछ ।